De 5. Johreszeit in Tröpolach, da Kirchtog, hot heier wieder normal stattfinden können. Najo net gonz normal wie sunst weil heier homa an Frühshoppen veronstoltet am Sunntog. Oba fong ma amol mitn Somstog on. Wie jedes Johr startet da Kirchtog um 14 Uhr. Gleichzeitig wie de Kirchenglocken leiten, hot da Schussmasta es erste mol am Kirchtog de Kanone gstartet. De ersten Leit vom Dorf sein schon kummen und stehn oder sitzen am Kirchtogsfeier zommen. Bis in de Nocht sein a poor geblieben. Ob de wohl so fit woan am nexten Tog?

weitere Fotos ›››

Am Sonntog kummen de Musik, de Burschen und Dirndlan zommen... ...gregn a Streisl ongsteckt... ...und donn gehn olle zommen obe zur Kirche. Danoch werd vor da Kirche gsungen und gspielt und unsre Zechmeister gehn mit senre Streislbinderinnen zu de Leit, um olle mit an guaten Wein zu verköstigen. Nochdem olle wos getrunken hoben, seima zommen ins Zelt... ...wo de Zechmeister die Tanzfläche eröffnet hobn. De "Bergler Musi" hot uns donn unterholten und zum tonzen einglodn... ...da Käferlehof hot jeden verköstigt der an Hunger ghobt hot... ...bis um 14:30 Uhr de Segensondocht in da Kirche wor. Danoch hot "BergPower" olle auf de Tonzfläche gebeten... ...wos a net oll zu long gebraucht hot. Bis in de Nocht is es weiter gongen.

weitere Fotos ›››

Am Montag is wie immer de Burschenmess... ...und danoch gehn de Zechmeister mit an Schnops zu de Leit. Onschließend gehn olle zommen zum Kriegerdenkmol, legen an Kronz nieder und singen "Bei Grodeck auf den Höhen". Nochdem ma uns olle mit ana Kirchtogssuppe gestärkt hobn... ...seima a schon los zum Obsuachn. Beim Winkler homa uns am Obend donn olle getroffen und sein zommen weiter ins Zelt. Im Zelt hot uns donn "Berglandsound" auf de Tonzfläche gebrocht und wir homa olle no zommen gfeiert, gsungen und getrunken.

weitere Fotos ›››

Am Dienstag kummen olle noamol zum Feier und wir beenden den Kirchtog donn mit... ...Sockhupfen für groß und klein... ...Hefenschlogn für de Männer... ...und bei an Getränk, Frigga zu essen. Somit wor da Tröpolacher Kirchtog 2022 a schon wieder vorbei und wir gfrein uns schon auf nextes Johr.

weitere Fotos ›››