Weiter gehts mit da nächsten Hochzeit im Johr. Am 17.10.2022 hobn sich de Melanie und da Thomas auch kirchlich des JA-Wort gebn. Wir Burschen und Dirndlan homa natürlich a schens Gsperr hergerichtet für de zwa. So wie sichs gheat sein unsre zwa Zechmeister uma gongen, und hobn des Brautpoor und senre Hochzeitsgesellschoft mit Getränken versorgt. De ane onda Ondare Gschicht hot net lei de Hochzeitsgesellschoft zum Schmunzeln gebrocht. Weil es jo longweilig wär lei ane Gschichten zu hean vom Brautpoor, homa a unsre schauspielerischen Fähigkeiten unter Beweis gstellt. ...Wos se do wohl grod nochspieln wollten... Nochdem da Scholk senen den Weg freigmocht hot... ...wir zommen no ans getrunken hobn... ...und senen jeder gratuliert hot... ...sein se weiter zum Eder, wo wir am Obend a nochkummen sein. Dochdem ma traditionell es Brautliad gsungen hobn und se ausagetonzt hobn, seima weiter in de Bar. Do homa donn gsungen, getrunken und getonzt. Oll zu long hots net gedauert, donn sein de Beiständ oba schon nochkummen und hobn es Brautpoor gsuacht und leider viel zu schnell a gfunden. Noch de Verhondlungen seima olle zommen oben geblieben und homa no long gfeiert. Liebe Melanie und lieber Thomas, wir bedonken uns bei eich für de gonzen Tätigkeiten wos des für de Burschenschoft geton hobs. Egal ob beim Orbeitn oda im Ausschuss, auf eich wor immer verloss.
Wir wünschen euch alles Gute für die Zukunft und eure gemeinsame Familie.

weitere Fotos ›››