Am Faschingssonntag, den 19. Februar 2023, hobn wir heier es erste mol a Rodelrennen veranstaltet. Es sein viele vom Dorf kummen um erster mit de Kinder und donn zu zweit de neue Rodelbohn obezufoahn. Natürlich homa uns für zwischendrin a wos überlegt, dass des Rennen net gonz so longweilig is. Am ersten Stopp hobn se an klanen Schnops trinken miasn (für de Kinder natürlich a Kinderschnops)... ...und beim zweiten Stopp hots an Kropf geben mit ana gonz guaten Füllung, weil Marmelade is jo longweilig. Für de wos am Vortog a bissl unterwegs woan, woa des net so a schene Überroschung. Zum Schluss hoben wir a no a Verlosung ghobt, wo da Hauptpreis a schener neier Schlitten woa. Wir bedonken uns a bei Andi´s Bar und beim Christian Jenul für de Verköstigung und Mithilfe. Den Siegern gratulieren wir und hoffen, dass nächstes Johr genau so lustig weat, genug Schnee is und wieder so viele Pärchen dron teilnehmen.

weitere Fotos ›››