Unter wieder is a Mitglied aus unserer Burschenschoft unter die Haubm kumen, denn a Wochn vorm Kirchtog hot unsre Ulrike Martin sich vor den Trauoltor gewagt und dem Markus Jancar die ewige Treue gschworn. Natürlich worn a wir von da Burschenschoft mit dabei und homma in Tröpolach auf des Brautpoor gwortet, um se bei an Gsperr a bisl aufzuholtn. Leider hot des Wetta nit gor a so mitgspielt, so hot a da Scholk unta`s "Doch" miaßn Natürlich homma a drauf gschaut, dass nit olle waschlnoss werdn und wenigstens a bisl im Scherm stehn kennen wenn über se hergezogn werd A wenns gregnet und recht frisch wor, oba die Hochzeitsgesellschoft konn man jo nit im "Trockenen" stehn lossn Beim Spiel is a klor hervorkumen wos die Ulli so noch die Musikprobm treibt ...oba i glab nit nur die Ulli und da Markus sondan die gonze Hochzeitsgesellschoft hot des Gsperr mit Humor vernommen Am Ende wors doch dem Scholk sei Aufgob, das Band zu durchschneidn und ollen die Weiterfohrt zu erlauben! ...bzw. is Weiterfohrt nit des richtige Wort sondan se sein jo lei a poor Meter weiter im Gleichschritt (mit an fescheren Stabführer/in als sunst ) zum Filippitsch marschiert. Am Obmd donn is es zum Brautstehln gongen, wo wir selbstverständlich unser Brautliadl zum Besten gebm hobm Von de Schlanitzer ausegetonzt / ausegstohln... ...is es donn zum Durnthola gongen, wo ma doch des ane oder ondere Liadl auf die Braut gsungen hobm und mit ihr noch amol gfeiert hobm A die Schwestern der Braut hobm sich des Stehln nit entgehn lossn und sein a mit da Braut mitkumen. "Der Spaß" hot donn sozusogn den Onfong vom Ende gnommen, als da Brautführer aufgetaucht is und mit seina Laterne noch da Ulli gsuacht hot. Nochdem sie donn gfundn wor... ...is a des Verhondeln mit de Burschen schon losgongen... ...und die Ulli hot sich des holt in oller Ruhe onghorcht wenn schon amol über sie verhondelt werd Am Ende hot sich da Erich mit da Burschenschoft doch über a (mehr oder weniger beidseitiges) zufriedenstellendes Verhondlungsergebnis geeinigt und so hot die Burschenschoft den Erich mit da Ulli wieda ziehn lossn. Die Burschen und Diandlan sein donn doch noch a bisl zomgsessn - hobm jo wohl a poor Litalan Wein für die Ulli gsponsert kriag Obschließend gilt da Ulli im Nomen der Burschenschoft nochamol a rechtherzlicher Donk für die Zeit in da Burschenschoft. Euch baden, Ulli und Markus, wünschen wir natürlich das Allerbeste auf eurem gemeinsamen weiteren Lebensweg.

»zum Fotoalbum «