So wie fost jedes Johr (vor Corona) homa a heier wieda an Skitog mit da Burschenschoft gmocht. A poor Burschen und Dirndlan hom sich schon gfreit und so homa uns in da Fruah beim Alois getroffen, wo sich der ane oda ondare mit an Kaffee oder an Spritzer aufgwärmt hot. Natürlich muas man sich am Foschingssomstog auf da Piste a verkleiden. Nochdem ma a bissl gsessn sein hot da Mogen sich doch a bissl gmeldet... ...und so seima donn gleich weiter zum Kapas... ...wo uns da Patrik und sei Team a gonz guates Frühstück grichtet hobn. Nochdem ma donn gut gestärkt woan, seima weiter zur Berghex und donn in Plattner sei Bar. Do hot de Kellnerin donn so ongst ghobt dass unsre Buabn sich verkühln wean bei der Kälten und hot senen gleich ane Stutzen geben. Nochdem ma uns do mit tonzen no a bissl ausgepowert hobn, seima wieder Richtung Tol gfoahn. Do homa donn beim Eder a super guates Obendessen gregt. Olle Burschen und Dirndlan sein, nochdem ma no a bissl beim Thomy in da Bar woan, guat hamkummen.
Wir mechtn uns noamol bedonken beim Patrik und seim Team im Kapas fürs guate Frühstück, beim Plattner Hons, dass ma bei eich so a Gaude ghobt hobn und beim Eder Thomas fürs super Obendessen und die restlichen Stunden.
Hoffentlich kema nextes Johr wieder so an super Skitog hoben.

weitere Fotos ›››