Nationalfeiertog in Tröpolach - oda ondas gsogt da Tröpolacher Kirchtog! Des 3. Wochenend im Oktober is wohl für viele Tröpolacher und a ehemolige Tröpolacher a Wochenend, wo man nix onders tuat als den Kirchtog zu feiern. Somstog - pünklich um 14 Uhr - ertönt in Tröpolach da 1. Schuss und wos soll`s schon ondres haßn außer: KIRCHTOG IS! Die Holzobsuacha sein schon längst dabei die Tröpolacher um Holz für`s Kirchtogsfeuer zu bitten... ...während die Leit schean longsom zum Feuer kumen. Beim Feuer werdn natürlich die neuesten Schlogzeilen ausgetauscht und so moncher Plausch unteranonda gführt. Und auch a Schnapsl zwischendurch darf nie fehlen! Seit a poor Johr gibts beim Feuer jo a Gulasch für zwischendurch wos anige immer wieder genießn und oftmols a brauchn Wie jedes Johr losst sich`s da olte Schuss- und Zechmaster, des Hansile, nit nehmen, an Schuss von da Kanon zu gebm - des treibt ihm immer wieda an fettn Grinsa ins Gsicht Wia`s dämmrig gwordn is, hot donn da Martin noch sei Quetschn ausgepockt und für die musikalische Unterholtung beim Feuer gsorgt bis donn - mehr oder weniger - olle ham sein um fürn Suntig fit zu sein!

››› Bilder Kirchtsamstag ‹‹‹

 

Noch an Burschenschofts-Monnschoftsfoto is es donn, begleitet von da Trochtnkapelle Wulfenia... zur Kirchn gongen, wo donn die Heilige Messe stottgfundn hot. Während die Burschen, Diandlan und Musiker - versommelt um den Burschenstan - ihre Liadlan und Musiksticklan zum Besten gebm hobm... ...hobm die Zechmasta mit ihre Stäußlbinderinnen die Zuhörer und Leit mit Wein versorgt. Nit nur den Musikern dürfts gfolln hobm... ...a die Trochtnfrauen dürften dem Eindruck zufolge die musikalischen Darbietungen mit Freude verfolgt hobm. A die Musiker sein von den Burschen imma guat versorgt wordn und da Joschi ... hmm ... wos soll man do großortig sogn Onschließend is es donn wieda gemeinsom zum Filippitsch... ...und Durnthola gongen, wo man den Gostwirten im Gegenzug immer an Wein onbietet und des ane oder ondere Liadl gsungen werd. A unsere Diandlan werfn sich zum Kirchtog imma wieda in die scheanan Dirndlkleider Nochn Mittogessn darf man schon a bisl miad sein - werd ma miasn mehr Bänk zum Sitzn aufstelln wia`s ausschaut Noch da Segensondocht am Nochmittog hot a unser Pforra Andreas Tonka glauscht wia von wieda an, zwa, drei Liadlan und Musiksticklan gsungen und gspielt wordn sein. Schlussendlich is es donn oba ob ins Zelt gongen, wo die badn Zechmasta mit ihren Sträußlbinderinnen den Kirchtog mit an Tonz eröffnet hobm. Die Eltan von den eben genonnten hobm onschließend nit long gezögert und ihre Kinder glei zu an Tonz aufgfordert Mein Gott na Biablan bzw. Zechmasta & Ex-Zechmasta, wos wär denn a Kirchtog ohne Traktor ha?
Oba sei eich jo vergönnt! Dem Bernhard hob ma heier a zu 25 Johr Mitgliedschoft bei da Burschenschoft gratuliert.
In diesem Zuge noch amol a großes Donkschean an den Bernhard für die stets große Hilfsbereitschoft der Burschenschoft und ollen Tröpolacher Vereinen gegenüber! Nochdem die Trochtnkapelle ihre Klimper... ähm Musikgeräte bei Seite glegt hobm, worn - heuer erstmols in Tröpolach - "Die Lungauer" an der Reihe. Und ans konn ma sogn - de Musikgruppe wor a Wahnsinn und stets hot man auf da Tonzfläche an Plotz suachn miaßn. Oba nit nur die Tonzfläche wor guat besuacht, a am Bodn hots die Leit nit imma daholtn, de fest mitgfeiert hobm. So hobm olle ihren Spaß und Freude am Kirchtogsunntig gfundn und ihn im Kreise der Familie... ...oder Freunden schen longsom ausklingen lossn - liegen jo immerhin noch 2 Tog vor uns

››› Bilder Kirchtsonntag ‹‹‹

 

Mehr oder weniger ausgschlofn hobm sich viele Tröpolach in die Kirchn zum Burschenomt begebm und den Gottesdienst mitgfeiert.
Und wos gibts Besseres als noch da Mess a Schnapsl mitn Zechmesta zu trinken? Wia schon so viele Johr hobm sich jung und olt uman Kirchplotz zomgstellt und gemeinsom is donn des olte Liedgut zum Besten gebm wordn. Des Olta mocht sich mit da Zeit natürlich a irgendwonn bemerkbor und so hot man kurzer Hond an Stuhl gholt, dass a da Jakob noch mittn unta de Manda mitsingen hot kennen. Da Leopold, seinerseits auch Musiker wor jedn Tog am Kirchtog vertreten und mitn Burgstaller Hannes zom ane der wenigen Personen seitens der Politik, die den höchst traditionellen Tröpolacher Kirchtog besuacht hobm!
Uns hat der Besuch der beiden sehr gefreut und bedanken uns dafür aber uns würde es noch mehr freuen, wenn auch andere Personen aus der Politik Interesse für Kultur zeigen würden Noch so monchen Lied und Schnapsl hobm die Zechmasta wieda den Ton ongebm... ...denn es is donn zum Kriegerdenkmol gongen, wo a Kronz im Gedenken an die verstorbenen und gefollenen Burschen gedocht wordn is. Wos dabei natürlich nie fehlen darf und nit wird, is des Grodeck-Liadl, des jedes Johr so monchem Monn oda Frau Zachalan in die Augn treibt. Onschließend sein donn die Burschen in Begleitung von da Trochtnkapelle weitergezogen... ...um beim Gosthof Filippitsch Einkehr zu holtn... wo donn im Saal die Burschen und Diandlan die letzten Toge und Stundn bei ana guatn Kirchtogssuppm revue passiern hobm lossn. Am Nochmittog is donn des Obsuachn gongen, wo man wieda in 2 Partien sämtliche Hausholte in Tröpolach beusacht... ...und die Leit aufn Kirchtog lodet! Stets guat gelaunt hobm die Musikanten bei jedem Haus an Tusch gspielt! A die Volksschuldirektorin Frau Einetter is von den Burschen besuacht wordn... ...de glei a poor Minutn für an "Wutzla" (= Tischfußball) gnutzt hobm A klane Pause zwischendurch muas natürlich a sein... ...bevor`s donn zum Schluss zum Winkla gongen is. Wie die letzten Johre schon sei ma donn von die Osttiroler Bergvagabunden beim Winkla obgholt wordn und sein mit senen gemeinsom ins Festzelt marschiert! Durt hobm donn die Osttiroler Bergvagabunden wieda fest aufgspielt... ...und die Tonzfläche wor a stets guat besuacht - bei de an is holt leichter gongen, bei die ondan schon a bisl schwära ... is jo wohl a longa Tog Nit nur die Burschen hobm den Kirchtmontig fest gfeiert... ...a da Leopold und die Heidi hobm mit sendren Nochban den Kirchtog noch zu an Tratscha gnutzt! Vor da Schnopsthekn wor wohl imma a Gedränge,... ...Tänze stets dabei... ...und so hot wohl jeder sein Spaß am Kirchtog ghobt!
PS (Post scriptum) @Karina: Posen vor da Kamera mias ma echt noch amol übm glab i

››› Bilder Kirchtmontag ‹‹‹

 

Kirchtdienstog, da letzte Tog vom Tröpolacher Kirchtog. Nochdem beim Feuer olls hergrichtet wordn is, hot da man natürlich probiert, ob da Schnops noch imma gleich schmeckt wia am Somstog A so monches Liad is beim Feuer wieder erklungen... ...und die Burschen hobm den Kirchtogsausklong mit an Sockhupfn ongfongen - leider wordn heia nit so viel ... hmm ... "Teilnehmer" do und so homma kurzer Hond die jungen Katzer`s in den Jutesock gsteckt... ...de sich oba onschließend sehr über die Schokolade gfreit hobm Nit nur da Papa Katzer wor donn beim Hefnschlogn dron... ...sondan a anige Burschen und verheiratete Manda hobm da Musik blind über Stock und Stein folgn miaßn. Jo irgendwonn bricht donn holt a da letzte Obmd herein und die letzten Schuss ertönen von da Kanon. Oba trotzdem sitzt man noch gern beim Feuer a bisl zom... ...und freut sich schon sehr darauf wenn da Mitterberger Sepp wieda für olle a super Frigga mocht. Oba irgendwonn nimmt holt a da letzte Tog sei End,
nur noch a Sotz an die Tröpolacher sei erwähnt:

Die Liebe zum Kirchtag war`s in all den Jahren,
dass wir alle stets zum Tröpolacher Kirchtag kommen und fahren.
Wir hoffen es bleibe dieses Band,
dass wir den Kirchtag stets feiern und ehren wie unser geliebtes Heimatland!

››› Bilder Kirchtdienstag ‹‹‹

 

Auf a Wiedersehn am nächsten Kirchtag!