Onstott eines Schitogs hot sich die Burschenschoft a heier wieda entschlossn an Rodelobmd zu mochn. Wie letzt´s Johr sei ma dafür wieda aufs Nossfeld zum Hapimag gfohrn wo a Rodelbohn is. Leider worn desmol nit so viel Leit oba wos solls, da Spaß darf/soll/muss derwegn nit zu kurz kumen Unter den schwierigsten Bedingungen de man sich nur vorstelln konn , homma uns den Weg aufn "Berg" aufegekämpft und a Pause zwischendurch - zum Stärken holt - wor selbstverständlich drin Nochdem die Rodeln olle besetzt bzw. bestückt wordn sein, is des Rennen mit an Startschuss begonnen ... nojo na, worn doch zu wenig und olle sein aus da Poleposition gstartet Oba es is zumindest wieda obwärts gongen. Durch die "widrigen" Verhältnisse wollt oba kana mehr des Gonze nochamol mochn und so homma uns beim Hapimag in die Stubm einegsetzt. A Klanigkeit zum Essn hots a für olle gebm... ...und wie bereits erwähnt is a da Spaß und die Gaude nit zu kurz kumen! Wenn des nächste Mol wieda da ane oder ondere mehr is bzw. dabei is, würdn sich sicha anige freun damit die Organisation a mehr Freude mocht

››› zum Fotoalbum ‹‹‹